Раённы адзіны дзень аховы працы "Бяспечнае і здаровае асяроддзе - асноўны прынцып і права ў сферы працы" прайшоў на базе ДУА "Кадзінская сярэдняя школа".

Мерапрыемства, арганізаванае ўпраўленнем па працы, занятасці і сацыяльнай абароне Магілёўскага райвыканкама, адбылося ў рамках месячніка бяспечнай працы ў арганізацыях адукацыі Магілёўскага раёна. Запрошаныя ўдзельнікі - кіраўнікі, спецыялісты па ахове працы, старшыні першасных прафсаюзных арганізацый устаноў адукацыі, культуры, спорту і турызму.

У цяперашні час - з 1 па 31 сакавіка - ва ўстановах адукацыі Магілёўскага раёна праходзіць месячнік бяспечнай працы. Навучальныя ўстановы, дашкольныя ўстановы наведваюцца мабільнай групай, створанай пры райвыканкаме. Мэта падобнай работы - не пакараць, а падказаць, дапамагчы ліквідаваць выяўленыя падчас праверкі парушэнні ў галіне аховы працы.

– Пытанням аховы працы ў Магілёўскім раёне надаецца дастатковая ўвага: працуюць мабільныя групы, праводзяцца семінары і навучальныя трэнінгі. Тым не менш працягваюць фіксавацца выпадкі вытворчага траўматызму: у мінулым годзе іх колькасць склала 19. Адзіны дзень аховы працы, як і многія іншыя мерапрыемствы прафілактычнай накіраванасці, праводзім з мэтай прадухілення гэтых выпадкаў шляхам аператыўнага выяўлення парушэнняў норм аховы працы і прымянення мер па іх устараненню, – адзначыла начальнік упраўлення па працы, занятасці і сацыяльнай абароне Магілёўскага райвыканкама Наталля Шэмшура.

Падчас адзінага дня аховы працы разгледжаны пытанні захавання заканадаўства ў галіне аховы працы, прафілактыкі траўматызму, забеспячэння пажарнай бяспекі.

Завяршылася мерапрыемства цырымоніяй узнагароджання пераможцаў конкурсу на лепшую арганізацыю работы па ахове працы сярод устаноў адукацыі.

Старшыня Магілёўскай раённай арганізацыі работнікаў адукацыі і навукі Ларыса Дзядкова ўручыла Падзякі Магілёўскага абласнога камітэта Беларускага прафесійнага саюза работнікаў адукацыі і навукі. Так, за лепшую арганізацыю работы па ахове працы адзначаны старшыні пярвічных прафсаюзных арганізацый ДУА "Раманавіцкая сярэдняя школа Магілёўскага раёна" і ДУА "Дзіцячы сад аграгарадка Рэчкі" Ала Сухавер і Яна Піпіа адпаведна.