Установам культуры Магілёўшчыны ўдалося дасягнуць станоўчага выніку па многіх напрамках дзейнасці. Такую ацэнку праведзенай у 2022 годзе рабоце даў, выступаючы на калегіі ўпраўлення культуры аблвыканкама, начальнік упраўлення Алег Стэльмашок.

Мерапрыемства прайшло ў Палацы культуры вобласці і сабрала не толькі прадстаўнікоў гэтай сферы з усіх куткоў рэгіёну, але і намеснікаў старшынь гор, райвыканкамаў, якія курыруюць гэты напрамак. У пасяджэнні калегіі таксама прынялі ўдзел намеснік старшыні аблвыканкама Валерый Малашка, начальнік Галоўнага ўпраўлення дзяржаўных спецыяльных культурных мерапрыемстваў і прафесійнага мастацтва Міністэрства культуры Рэспублікі Беларусь Ірына Дрыга, старшыня абласной арганізацыі Беларускага прафсаюза работнікаў культуры, інфармацыі, спорту і турызму Аляксей Пруднікаў.

Як адзначыў Алег Стэльмашок, па выніках работы за мінулы год вобласцю забяспечана выкананне зводнага мэтавага паказчыка Дзяржпраграмы па колькасці наведванняў арганізацый культуры на 1 тысячу чалавек - 5082 адз. пры ўстаноўленым плане 4755, або 106,9%. Выкананы даручэнні Кіраўніка дзяржавы па ўкамплектаванню бібліятэк, забеспячэнню ўліковай дакументацыі на аб'екты гісторыка-культурнай спадчыны, выкананню паказчыкаў развіцця галіны.

Інфраструктура і існуючы кадравы патэнцыял, якая склалася ў галіне, здольныя задаволіць культурныя патрэбнасці насельніцтва.

Найважнейшым напрамкам дзейнасці арганізацый сферы культуры была і застаецца работа з таленавітымі і адоранымі дзецьмі. З 1996 па 2022 год 1081 прадстаўнік моладзі нашага рэгіёну ўдастоены заахвочванняў спецыяльнага фонду Прэзідэнта па падтрымцы таленавітай моладзі. 104 з іх прысуджаны моладзі вобласці за мінулы год.

Па выніках 2022 года 180 работнікаў арганізацый сферы культуры вобласці ўдастоены дзяржузнагарод, узнагарод Міністэрства культуры, Магілёўскага аблвыканкама і абласнога Савета дэпутатаў, упраўлення культуры аблвыканкама.

Як прагучала з вуснаў Алега Стальмашка, важнай умовай развіцця ўстаноў культуры, паляпшэння матэрыяльна-тэхнічнай базы, павышэння зарплаты з'яўляецца атрыманне даходаў ад ажыццяўлення пазабюджэтнай дзейнасці. За мінулы год установы культуры і адукацыі ў сферы культуры зарабілі пазабюджэтных даходаў у памеры Br12,5 млн, што склала 136 працэнтаў да ўзроўню мінулага года.

Экспарт паслуг па арганізацыях, якія ўваходзяць у сістэму, склаў $153,7 тыс., або 515 працэнтаў да ўзроўню 2021 года.

Свае вынікі прынеслі і меры, прынятыя па прыцягненню замежнай бязвыплатнай дапамогі: абласнымі падпарадкаванымі арганізацыямі забяспечана выкананне даведзенага плана ў памеры 206,7 працэнта.

mogilevnews.by