Акцыя "Магілёўскі раён – тэрыторыя здароўя" прайшла на базе ДУА "Дашкаўская СШ". Мерапрыемства ўрачыста адкрылі намеснік галоўнага санітарнага ўрача горада Магілёва і Магілёўскага раёна Раман Аўраменка і дырэктар ДУА "Дашкаўская сярэдняя школа" Крысціна Банадысева. На свяце таксама прысутнічалі выконваючы абавязкі галоўнага ўрача УАЗ "Магілёўская паліклініка №11" Валянціна Місюрава, загадчык аддзела грамадскага здароўя і сацыяльна-гігіенічнага маніторынгу Таццяна Няхай, дырэктар экалагічнай кампаніі Мікалай Ермалаеў, дырэктар ААТ "Эксперыментальная база "Дашкаўка" Сяргей Сыса, Магілёўскага раённага аб'яднання прафсаюзаў Аляксандр Лісоўскі. У рамках акцыі для навучэнцаў школы быў арганізаваны квэст "МультыЦУР" і спартыўныя спаборніцтвы. Традыцыйна прадстаўнікі раённага аддзела МНС правялі дэманстрацыю тэхнікі і выратавальнага абсталявання, а школьнікі з цікавасцю прымералі адзенне пажарных. Таксама былі арганізаваны выстаўкі з прэзентацыяй турыстычнага патэнцыялу Магілёўскага раёна, творчых работ "Бяспека вачыма дзяцей", па ахове працы, працавала тэматычная пляцоўка "Моладзь пра ЗЛЖ" і іншыя, прысвечаныя культуры здаровага ладу жыцця. У навучальных класах школы была арганізавана "Міні-паліклініка", дзе можна было праверыць артэрыяльны ціск, вымераць вагу і рост, а таксама ацаніць рызыку ранняга развіцця сардэчна-сасудзістых ускладненняў, наведаўшы спецыялістаў УАЗ "Магілёўская паліклініка №11". Прыёмы вялі ўрач агульнай практыкі, хірург, эндакрынолаг, афтальмолаг, неўрапатолаг, педыятр. Лабарантамі паліклінікі быў арганізаваны забор крыві з мэтай выяўлення ўтоенай формы цукровага дыябету.

У цырымоніі ўзнагароджання пераможцаў спаборніцтваў таксама прынялі ўдзел начальнік аддзела па адукацыі Магілёўскага райвыканкама Наталля Колас і загадчык сектара спорту і турызму райвыканкама Святлана Кірэева, якія ўручылі салодкія прызы ад ААТ "Магілёўская фабрыка марожанага".

Спартыўны інвентар у падарунак школе ад ЗАТ "Сервалюкс Агра" перадала намеснік дырэктара прадпрыемства па ідэалагічнай рабоце Марыя Старасотнікава. А на заканчэнне свята здароўя яго ўдзельнікі высадзілі на тэрыторыі школы як сімвал сілы, мудрасці і даўгавечнасці чырвоны дуб, які падарыў установе адукацыі Сяргей Сыса.