Напярэдадні Дня Незалежнасці і 80-й гадавіны вызвалення Беларусі ад нямецка-фашысцкіх захопнікаў узнагароды, кветкі і самыя цёплыя словы віншавання прымалі былыя вязні фашысцкіх канцлагераў з аграгарадка Дашкаўка Дар'я Дзмітрыеўна Цемашкj і Марыя Мікалаеўна Тоўсцік. 

Павіншаваць гэтых выдатных жанчын, якія не па чутках ведаюць, што такое вайна, прыехалі намеснік старшыні Магілёўскага райвыканкама Аляксандр Алекса, старшыня Дашкаўскага сельвыканкама Сяргей Галянтоў, спецыяліст па сацыяльнай рабоце ўстановы "МРЦСАН" Алена Лагуноўская, педагогі і навучэнцы Дашкаўскай СШ.

Са словамі шчырай падзякі за мірнае неба і пажаданнямі моцнага здароўя Аляксандр Алекса ўручыў Дар'і Дзмітрыеўне і Марыі Мікалаеўне юбілейныя медалі "80 гадоў вызвалення Беларусі ад нямецка-фашысцкіх захопнікаў".