Аб развіцці і падтрымцы асабістых падсобных гаспадарак грамадзян на тэрыторыі Магілёўскага раёна - гэтай тэме быў прысвечаны выязны семінар-нарада, падчас якога разглядаўся вопыт работы ў гэтым напрамку ў раёне ў цэлым і ў гаспадарках, размешчаных на тэрыторыі Палыкавіцкага сельсавета, у прыватнасці.

Адкрываючы мерапрыемства, (а ў ім бралі ўдзел дэпутат Палаты прадстаўнікоў Нацыянальнага сходу Рэспублікі Беларусь Наталля Тарасенка, намеснік старшыні Магілёўскага абласнога Савета дэпутатаў Міхаіл Жудро, іншыя прадстаўнікі дэпутацкага корпуса, у тым ліку і госці з іншых раёнаў, кіраўнікі і спецыялісты розных служб, кіраўнікі асабістых падсобных і сялянскіх фермерскіх гаспадарак) старшыня Магілёўскага раённага Савета дэпутатаў Сяргей Ярошчанка адзначыў, што на пачатак 2024 года ў Магілёўскім раёне налічвалася 20834 асабістыя падсобныя гаспадаркі - і гэта 107 працэнтаў да 1 студзеня 2023 года.

- Гэта не толькі крыніца вытворчасці экалагічна чыстых прадуктаў харчавання, але і дадатковы даход нашых грамадзян, адна з форм занятасці насельніцтва. І адпаведна, развіццё АПГ - гэта і ўклад у сацыяльна-эканамічнае развіццё раёна, - адзначыў Сяргей Ярошчанка.

Каб вывучыць стан спраў дасканала, удзельнікі выязнога семінара, перш чым перайсці да абмеркавання найбольш актуальных пытанняў, наведалі некалькі профільных прадпрыемстваў.

Так, пры знаёмстве з работай Віктара Мядзведскага з вёскі Мікалаеўка-2, які ўзначальвае асабістую падсобную гаспадарку, дзе круглы год пахне ружамі і іншымі кветкамі, абмяркоўвалася тэма "Вырошчванне дэкаратыўных раслін як бізнэс".

Жыхар вёскі Калінавая Мікалай Шышоў, распавядаючы пра сваю справу жыцця, распавёў, якіх поспехаў удалося дасягнуць, працуючы адразу па трох кірунках – пчалярства, раслінаводства, жывёлагадоўля.

А іншы жыхар вёскі Калінавая, Аляксей Супоненка, кіраўнік сялянскай фермерскай гаспадаркі "Калінавая агра", распавёў пра тое, як, аднойчы змяніўшы жыццё (яны з жонкай у свой час заканчвалі Беларускі дзяржаўны ўніверсітэт транспарту ў Гомелі), стаў паспяховым фермерам і зараз займаецца развядзеннем буйной рагатай жывёлы.

Падчас знаёмства з дзейнасцю ўсіх трох гаспадарак, разглядаліся пытанні правільнага прымянення тэхналагічных навін, набыцця неабходнай тэхнікі, рэалізацыі прадукцыі, карыстання льготнымі крэдытамі і іншыя - яны, у тым ліку, леглі ў аснову парадку дня выніковай нарады.

Па выніках наведванняў асабістых падсобных гаспадарак і азнаямлення з іх працай абмяркоўваліся найбольш актуальныя пытанні, якія датычацца развіцця АПГ. У іх ліку: аб праводзімай у Магілёўскім раёне рабоце па развіццю і падтрымцы асабістых падсобных гаспадарак грамадзян, выдзяленне субсідый беспрацоўным грамадзянам для арганізацыі ўласнай справы ў сельскагаспадарчай сферы, аб парадку прадастаўлення зямельных участкаў для вядзення асабістай падсобнай гаспадаркі ў населеных пунктах, аб ільготах, што прадастаўляюцца банкамі на развіццё АПГ, аб рабоце аддзела нарыхтовак Магілёўскага райспажыўтаварыства па закупцы лішкаў сельскагаспадарчай прадукцыі ў насельніцтва і іншыя.

Дарэчы, адным з яркіх момантаў мінулага семінара стала выстава прадукцыі, вырабленай у асабістых падсобных гаспадарках усіх сельсаветаў Магілёўскага раёна. І ўбачанае, бясспрэчна, парадавала. Тут было месца яблыкам, грушам, бульбе, перцам, таматам, памідорам, патысонам… Не засталіся незаўважанымі кавуны, якія па смаку не саступаюць знакамітым паўднёвым вытворцам. Сваю прадукцыю прадставілі і пчаляры, сыравары, мылавары, кулінары, майстры дэкаратыўна-прыкладной творчасці і іншыя. Што стала яшчэ адным пацвярджэннем таго, што дзейнасць асабістых падсобных гаспадарак можа быць паспяховай. Незалежна ад выбранага напрамку або месца размяшчэння.