Напярэдадні 9 Мая штогод удзельнікі Вялікай Айчыннай вайны, працаўнікі тылу, вязні фашысцкіх канцлагераў, дзеці вайны прымаюць віншаванні і падарункі.

Традыцыйна напярэдадні Дня Перамогі праходзяць урачыстыя мерапрыемствы з удзелам моладзі, канцэрты, а таксама ўручэнне матэрыяльных выплат дома. Адным з першых яе атрымаў ветэран-тылавік Васіль Сінкевіч.

Васіль Васільевіч - адзін са старэйшых жыхароў Магілёўскага раёна - летась ветэран адзначыў сваё 101-годдзе.

Павіншаваць Васіля Сінкевіча і ўручыць да Дня Перамогі падарункі прыехалі прадстаўнікі выканаўчай улады.

Першы намеснік старшыні Магілёўскага райвыканкама, старшыня Магілёўскага раённага аддзялення Беларускай партыі "Белая Русь" Ірына Чындо ўручыла тылавіку памятныя падарункі ад арганізацыі, а таксама пажадала Васілю Васільевічу бадзёрасці і здароўя.

– Гэты год з'яўляецца юбілейным – спаўняецца 80 гадоў з дня вызвалення рэспублікі ад нямецка-фашысцкіх захопнікаў. Нашы ветэраны – людзі, якія патрабуюць асобнай увагі і асаблівага клопату. Ад усяго сэрца мы жадаем здароўя, міру і дабра Вам і вашым блізкім, - адзначыла Ірына Віктараўна.

Віншаванні з надыходзячымі святамі прагучалі і ад дырэктара ўстановы "МРЦСАН", старшыні Магілёўскай раённай арганізацыі грамадскага аб'яднання "Беларускі саюз жанчын" Таццяны Пузырэўскай, якая таксама перадала падарункі ад Магілёўскай абласной арганізацыі ГА "БТЧК" і прадуктовы набор да святочнага стала ад гандлёвай сеткі "Еўраопт".

(Васіль Сінкевіч быў прызваны ў Чырвоную армію ў 1944 годзе і трапіў на Беларускі фронт. Узнагароджаны медалём "За Перамогу над Германіяй у Вялікай Айчыннай вайне 1941-1945 гг." і ордэнам Айчыннай вайны II ступені. Пасля вайны Васіль Сінкевіч вярнуўся на радзіму і толькі на восьмым дзясятку выйшаў на заслужаны адпачынак.

У гэты ж дзень віншаванні, падарункі і матэрыяльную дапамогу да 9 мая прымала працаўніца тылу Алена Іванаўна Самусенка з аграгарадка Вейна.

Ва ўрачыстай абстаноўцы начальнік аддзялення паштовай сувязі аграгарадка Вейна Аліна Мельнікава ўручыла Алене Іванаўне матэрыяльную дапамогу.

З цёплымі словамі пажаданняў моцнага здароўя, бадзёрасці духу, дабра і міру да Алены Іванаўны звярнуўся старшыня Магілёўскага райсавета дэпутатаў Сяргей Ярошчанка. Выказаўшы ўдзячнасць і падзяку, Сяргей Ярошчанка і Таццяна Пузырэўская ўручылі працаўніцы тылу падарункі ад арганізацый і грамадскіх аб'яднанняў.

– Падтрымка і ўвага да ветэранаў з'яўляюцца аднымі з галоўных задач сучаснага пакалення. Дбаючы герояў ваенных гадоў і паважаючы іх подзвіг, мы павышаем узровень духоўнага і маральнага развіцця нашага грамадства, – адзначыў Сяргей Ярошчанка.

Сустрэча, напоўненая цеплынёй і цікавымі гісторыямі, прайшла ў сяброўскай атмасферы. Павіншавалі працаўніцу тылу і навучэнцы ДУА "Вейнянская СШ" - школьніцы падрыхтавалі для Алены Іванаўны выступленне і падарылі кветкі.

Шмат добрых слоў у гэты дзень прагучала ў адрас Алены Самусенка, якая ў сваю чаргу ад душы падзякавала гасцям за віншаванні і падарункі.