На нядаўняй нарадзе аб развіцці вёскі і павышэнні эфектыўнасці аграрнай галіны Прэзідэнт Беларусі Аляксандр Лукашэнка гаварыў, у тым ліку, і аб станоўчым прыкладзе работы мадэрнізаваных комплексаў з уласнай сыравіннай базай. У сувязі з чым Кіраўнік дзяржавы даручыў ураду і аблвыканкамам забяспечыць безумоўную рэалізацыю намечаных інвестыцыйных праектаў па будаўніцтву малочнатаварных комплексаў.

Нагадаем, што ў мэтах мадэрнізацыі жывёлагадоўчых аб'ектаў раней быў прыняты ўказ аб будаўніцтве (рэканструкцыі) у 2023-2024 гадах па 10 малочнатаварных комплексаў у кожнай вобласці. У рамках рэалізацыі задачы ў Магілёўскім раёне ідзе будаўніцтва чатырох МТК (СДП "Авангард" РУП "Магілёўскае аддзяленне Беларускай чыгункі", ААТ "Цішоўка", ААТ "Магілёўскі лянок" і філіял "Вендараж" РУП "Магілёўэнерга"), а таксама праходзіць рэканструкцыя будынка свінакомплексу пад малочнатаварную ферму ў ААТ "Палыкавічы".

Да запланаванага ўвядзення ў эксплуатацыю аб'ектаў засталося не так шмат часу. Якая сітуацыя з будаўніцтвам і рэканструкцыяй на дадзены момант - гэтай тэме была прысвечана выязная нарада, у рамках якой старшыня Магілёўскага райвыканкама Алег Чыкіда, намеснік старшыні райвыканкама Ірына Курашова, прадстаўнікі розных служб наведалі ўсе аб'екты, якія будуюцца.

ААТ "Магілёўскі лянок"

Першым прадпрыемствам стала ААТ "Магілёўскі лянок". Дырэктар гаспадаркі Алег Івашкевіч патлумачыў, што будаўніцтва малочнатаварнага комплексу на 600 галоў дойнага статка паблізу вёскі Макаранцы ідзе поўным ходам.

Нягледзячы на некаторае спазненне, мы зробім усё магчымае, каб узвядзенне аб'екта і ўвод яго ў эксплуатацыю былі завершаны ў тэрмін - да верасня гэтага года. Цяпер гатоўнасць аб'екта складае 40 працэнтаў, а будаўніцтва вядзецца па некалькіх напрамках - мур, мантаж, бетонныя работы. У маі павінна адбыцца пастаўка абсталявання для новага МТК. І, канешне, мы ўжо рыхтуем жывёл, якія размесцяцца ў новых памяшканнях.

ААТ "Цішоўка"

Аналагічны МТК будуецца ў вёсцы Севасцьянавічы (ААТ "Цішоўка"). Каментуючы ход работ, дырэктар ААТ "Цішоўка" Віталь Фомкін адзначыў, што ўзвядзенне новага МТК было ўжо неабходна, бо стары аб'ект, 1965 года пабудовы, не адпавядаў патрабаванням часу.

– МТК разлічаны на 600 галоў дойнага статка з прафілакторыем і памяшканнем для цялят. На комплексе будуць абсталяваны кароўнік на 300 месцаў, даільна-малочны блок, радзільнае аддзяленне з цэхам сухастойных кароў, прафілакторый на 206 месцаў, прадугледжаны воданапорная вежа і артэзіянская свідравіна, сянажныя траншэі на 8 тыс. тон, - паведаміў кіраўнік прадпрыемства.