Асабісты прыём грамадзян правёў сёння старшыня Магілёўскага аблвыканкама Анатоль Ісачанка.

Заяўнікі звярталіся з прапановай аб стварэнні прадпрыемства па вытворчасці камбікармоў, просьбай аб атрыманні зямель для развіцця фермерскай гаспадаркі, пытаннямі добраўпарадкавання.

Так, напрыклад, кіраўнік адной з КФГ прыйшоў на прыём да Анатоля Ісачанкі з праектам бізнес-плана аб арганізацыі невялікай вытворчасці па вырабе травяной мукі. Як растлумачыў магілёвец, яшчэ вясной ён звяртаўся ў Магілёўскі райвыканкам, на тэрыторыі якога нагледзеў 300 га зямлі, неабходнай яму для размяшчэння прадпрыемства і вытворчасці сыравіны. Са слоў таго, хто звярнуўся, гэтыя землі мяжуюць з тэрыторыяй абласнога цэнтра і ўжо працяглы час не выкарыстоўваюцца. У тым ліку, на яго думку, з-за складанасцяў у апрацоўцы гразкіх зон ўчастка. Аднак для вырошчвання травяністых пасеваў такая глеба падыходзіць і дазволіць прыбраць некалькі ўкосаў. Тым больш, што ў фермера ўжо ёсць уся неабходная сельскагаспадарчая тэхніка для падобных работ. І ён выказаў гатоўнасць у кароткія тэрміны ўвесці названыя зямлі ў сельгасабарот. У далейшым мужчына разглядае магчымасць заняцца жывёлагадоўляй. Але для пачатку хацеў бы вырашыць пытанне з уласнай вытворчасцю кармоў.

«На сёння ўжо нагледзеў рынкі для рэалізацыі, ёсць тэхніка і жаданне развівацца ў сферы сельскай гаспадаркі, будаваць моцны бізнес. Тым больш што сям’я ў мяне вялікая – восем дзяцей», – падкрэсліў мужчына.

Як патлумачыў прысутны на сустрэчы старшыня Магілёўскага райвыканкама Алег Чыкіда, патрэбныя фермеру землі зараз знаходзяцца ў валоданні некалькіх арганізацый і гаспадарак. У дачыненні да аднаго з уласнікаў стаіць пытанне аб канфіскацыі з прычыны неэфектыўнага выкарыстання.

Анатоль Ісачанка ўважліва выслухаў бакі і адзначыў, што пазначаны кірунак сёння запатрабаваны і такая вытворчасць бачыцца перспектыўнай. Аднак для яго размяшчэння на данай тэрыторыі неабходна бачыць разгорнуты бізнес-план. Патрэбна ацэнка спецыялістаў па эфектыўнасці яго рэалізацыі непасрэдна на гэтых землях.

«Калі ідэя здзяйсняльная, акупляльная, то мы зможам разгледзець магчымасць выдзялення зямель. Але толькі пры наяўнасці рэальнага, пралічанага бізнес-плана. Гэта сур’ёзны праект і патрабуе адпаведнага падыходу», – падсумаваў губернатар.

Яшчэ аднаго заяўніка хвалявала пытанне добраўпарадкавання крыніцы і прылеглай да яе тэрыторыі ў вёсцы Дубінка 1 Магілёўскага раёна. Мясцовы жыхар расказаў, што раней да крыніцы вяла лесвіца, якая была дэмантавана ўласнікам, а новая так і не была ўзведзена. Таксама мужчына выказаў занепакоенасць тым, што крыніца замываецца пяском з-за адталых і дажджавых вод і папрасіў уладкаваць ліўневую каналізацыю для прадухілення размываў схілу. Акрамя таго, ён прапанаваў арганізаваць на прылеглай тэрыторыі паркоўку для тых, хто прыязджае да крыніцы, і кантэйнерную пляцоўку для збору смецця.

Анатоль Ісачанка даў даручэнне абласному камітэту прыродных рэсурсаў і аховы навакольнага асяроддзя разгледзець усе пазначаныя заяўнікам факты і выпрацаваць рашэнні выключна ў адпаведнасці з дзеючым заканадаўствам.

Юлія Таранава, фота mogilewnews.by