Тэлеканал СТВ сумесна з адміністрацыямі гарадоў, якія валодаюць вымпеламі, запусцілі праект «Ад мінулага да будучыні». Заслужаныя жыхары гэтых населеных пунктаў расказваюць пра гераічныя падзеі, якія і праз дзесяцігоддзі служаць падставай для ўзнагароды.

Барацьба супраць фашысцкіх захопнікаў на крычаўскай зямлі з'яўляецца яскравым прыкладам мужнасці і гераізму савецкіх людзей, іх бязмежнай адданасці Радзіме. Абарона на рацэ Сож мела асаблівае значэнне падчас Смаленскай бітвы, у выніку якой быў сарваны гітлераўскі план па вокамгненным захопе Масквы. Савецкія воіны мужна ваявалі на крычаўскай зямлі. Пра гэта сведчаць шматлікія прыклады. Назаўжды ў гісторыі застанецца подзвіг 20-гадовага артылерыста Мікалая Сірацініна. Цяжка паранены, ён працягваў весці бой больш за дзве гадзіны бой. Падбіў за гэты час 11 танкаў і 7 бронемашын. Герой-артылерыст загінуў, выканаўшы свой воінскі абавязак да канца.

29 ліпеня 1941 года 1200 дэсантнікаў на чале з Уладзімірам Цімчанкам уварваліся ў заняты фашыстамі Крычаў і імклівым ударам выбілі ворага з горада. Больш за суткі дэсантнікі ўтрымлівалі горад у сваіх руках. У кровапралітным баі амаль усе яны загінулі смерцю адважных. Назад змаглі выбрацца толькі 13 дэсантнікаў. Дзякуючы мужнасці і гераізму байцоў і камандзіра савецкія войскі да 1 жніўня 1941 года падтрымлівалі лінію фронту па рацэ Сож на ўчастку Мсціслаў – Крычаў і да 8 жніўня на ўчастку Крычаў – Прапойск. У поўным акружэнні баі працягваліся да 16 жніўня. Гераічная месячная абарона ля Крычава дазволіла савецкаму камандаванню выйграць час для ўмацавання найважнейшых стратэгічных пунктаў на цэнтральным напрамку і абароны Масквы.

ctv.by